Poplars' Kitchen: 花廚物語

西港島線通車，帶動附近樓價急升，那邊廂，有唐樓業主將物業裝修成太空艙式的「高級劏房」，爭取最高租金回報；這邊廂卻有茶餐廳老闆，寧願將唐樓改裝成員 工宿舍，免費讓無殼伙記入住，懶理市道火熱。1967年開業，祥香園向有「西環三寶」之稱，作為區內收購潮及加租潮下的「死剩種」，老闆周錫豐說：「伙記 要住，咪當賺少啲囉。」夠生活無需賺到盡，老店人情，較小店的馳名奶茶，更香氣樸鼻。

記者：呂麗嬋
攝影︰謝榮耀

在 祥香園做了三十幾年，光哥的青蔥歲月，都在這裡過。「買唔起樓，咪以呢度為家，如果執笠，真係唔知可以去邊」，由「水吧」到樓面一腳踢，幾十年過去，西環 變了天，在茶餐廳打工的光哥，仍舊每天換上灰白制服，過著「樓下返工、樓上(宿舍)瞓覺」的簡單生活，「最好係連交通費都慳埋！」摩打手抹枱，匆匆拋下這 一句，又一支箭去了招呼客人。

港鐵通車，人流最旺的卑路乍街，成了發展商收購樂園，見證西環變天。1967年開業的祥香園，是「西環三 寶」之一，堪稱「死剩種」。所謂三寶，是指卑路乍街的三間屹立半世紀的街坊食店。以粥底綿馳名的卓記，2011年10月因大幅加租至八萬結束地舖生意，搬 到士美菲路市政大樓熟食中心，在現址接手者已非原店；至於1949年開業的新中華飯店，也於同年受重建影響，被發展商收購而結業。

作為當 區碩果僅存的老店，69歲的祥香園老闆周錫豐，最唏噓，「依家嘅心態係做得幾耐得幾耐，業主係個八十幾歲嘅老人家，幾十年街坊，過時過節，送箱橙過去拜 年，佢知呢行皮費重，無咩點加租，六萬蚊好合理，到咗佢下一代，係咪可以咁，真係唔敢講」。同類相吸，良心老業主旺市不加租，周老闆呢？就堅持保留員工宿 舍，免費讓無殼伙記入住。在人人賺到盡的今天，一樣「反潮流」！

「茶餐廳工時長，做嘅都係基層，以前嗰個年代，宿舍好普遍，只係樓價升， 好多賣咗，如果唔係，啲劏房點會咁受歡迎？」地鋪要交租，祥香園的二樓，周老闆卻購下唐樓單位，改裝成小貨倉及員工宿舍。記者跟隨他到小宿舍一遊，除了放 了三張碌架床，電視冷氣和一般家庭小電器一應俱全，洗好的衣物掠在一旁，「高峰期放咗四張碌架床，依家都住緊四個人」。

茶記最多基層寡 佬，要不就在內地娶老婆，假期返大陸，平日就住宿舍，周老闆說自己在小宿舍，都有專用床位！「以前埋數埋得夜，就喺度過夜，無講話咩太子爺，大打雜就 真」。記者稱讚他是好老闆，原本口若懸河的他竟然滿面靦腆，擺擺手說：「以前個個都係咁，嗰單位廿幾年前買落，放貨要地方，加上伙記要住，咪當賺少啲囉。 有地產代理話升到五百萬，廿幾年前先至32萬，不過都係紙上黃金，有咩用？」他笑著反問。

原本當職業司機的周錫豐，是老店的第二代，34 歲那年，六旬父親急召他這個長子 回來幫手，自言怕悶的他，守著小店，一做36年。「以前住九龍城，日日4點半坐通宵小巴過嚟開舖，七十年代嘅西環仲好荒蕪，呢條街叫最旺，周圍都係小販， 對出又有屠房，由朝到晚都聞到豬車嘅氣味」。街坊生意，平平穩穩，足夠養妻活兒。只是物移星換，一些事、一些情，到底留不住。

八十年代， 屠房欄商撤走，熟悉的豬車味消失了；再後來，西港龍線落實興建，樓價飆升。一條卑利乍街，田生進駐，收購後重建、呎價上萬的單幢式豪宅，比比皆是；要不就 是形形式式，追求最高租金回報的集團式高級劏房，「唔係自己舖，始終擔心會加租，唯有見步行步」。地鐵通車，交通方便了，但幾成文化遺產的老店人情，能否 敵過自遠而近的隆隆打樁聲？真正天䁱得。

【鐵路效應 樓價租值齊升】
西港島線28號通車，在鐵路效應下，西區舊唐樓的租金水平也 水漲船高，有地產界人士分析，西區租價在通車後會再升一至兩成，直迫灣仔。而德輔道西一幢七層高唐樓的業主，更把握商機，斥資大裝修，對準單身上班族及大 學生，把單位分拆成俗稱「太空艙」的高級劏房，一間面積只有3呎乘6呎、需共用廚房浴室的單位，租金盛惠四千！

由上環至堅尼地城的西港島 線，中間設西營盤及香港大學站，全長3公里共7分鐘，通實初期會飛西營盤站，至明年首季始全線開通。繁忙時間每兩分鐘一班車，非繁忙時間每5分鐘一班，由 堅尼地城開出的頭班車為早上時，尾班是凌晨12時50分。港鐵預期，通車初期人流不會達上限，料每日有萬人次使用。

中原地產客戶經理莫小 姐表示，自工程啟動，當區樓價已翻幾翻。由於西區以舊樓為主，各發展商早積極在區內「插旗」，收購舊樓重建成呎價迫近二萬的單幢式豪宅，「田生之前受財團 委托，喺呢區都活躍，完成目標性收構項目，一年幾前都已經撤走，呢度仲有好多四十年樓齡以上嘅舊唐樓，就算樓值升，做按揭都有難度，但翻新出租肯定有需 求，否則，只係等收購」。

【蓮蓉雞尾包全港獨有】
被稱為西環三寶的祥香園，是街坊的聚腳點。午後的閣樓，最安靜，擱起二郎腿，攤 開報紙，一杯港式奶茶，就消磨一個下午。定時定候，麵包師傅將黑鐵盤高高舉起，穿過橫七豎八的食客，運一盤熱辣辣的麵包出門口的麵包櫃。有主婦買完餸，吃 件出爐麵包，孩子攤開書本做功課。最知名的蓮蓉雞尾包，全港獨有，從前老師傅做落，一直守着，一做，就做了幾十年。

「舊時啲人話椰絲難消 化，老師傅改用蓮蓉，結果人人爭住買，變成我哋嘅標誌」。周老闆自豪的說。除了傳統但又反傳統的雞尾包，還有馳名奶茶，「沖奶茶，以前熟手啲，依家手腳 慢，真係要靠啲伙記，搞唔掂」。應記者要求站在水吧示範的周老闆吐吐舌，新近，小店就奪得「港式奶茶貢獻大獎」，表揚它對推動這項「非物質文化遺產」的貢 獻，包括傳承沖茶技術，以及協助培訓工作等。

免費讓無殼伙記入住的小宿舍，共放了三張碌架床，陳設簡陋，但電視冷氣及基本傢俱一應俱全。