【本報訊】舊式沖曬店買少見少,在西環卑路乍街的「富麗美沖曬中心」,門口貼着白紙黑字「一件不留」贈興,專做街坊生意奈何難敵貴租,明年2月底結業。從 菲林踏入數碼年代,陳老闆奮鬥20個年頭都不曾倒下,未料最後因港鐵列車今天起駛進西環,令年月擁有的、街坊留下的張張照片,都要快將失去,陳老闆不諱言 自己是鐵軌下的犧牲品。

發展的犧牲品

陳老闆的沖曬店在西環開店28年,先後搬過三次舖,現址卑路乍街店已屹立18年,「以前租2萬幾,𠵱家租4、5萬元」。沖曬店租約明年期滿,但他預料西 港島綫通車,業主一定大幅加租,「呢間舖18年前只賣200幾萬,至今升價十倍賣2,000幾萬……當年冇錢畀100多萬首期,所以買唔起舖」。他慨嘆, 自己都算得上是發展的犧牲品,「如果冇地鐵,我諗租金唔會咁高」。
港鐵鐵路發展史邁向新里程,但對傳統鐘錶店老闆賴耿明而言,卻是一生事業的終 結,「20幾歲學師,嗰時仲未有電子錶,要自己上鏈,捱吓捱吓就喺西環咁多年,成世都係做呢行,哈哈!」要整錶、換電,幾乎每個西環街坊都去錦興,老闆賴 耿明白手興家,年輕時因為喜歡機械入行,學師後就在卑路乍街擺「車仔檔」,死慳死抵終儲足本錢租地舖,一做就近40年。
西港島綫通車,鐘錶店步行至堅尼地城站只需數分鐘,業主期望通車後可帶旺整個西環,地舖有價有市,隨即瘋狂加租一倍半,賴耿明難敵貴租要無奈結業。舖外貼滿「瘋狂加租頂唔順」、「結束營業大平賣」,連日來店內錶款八折益街坊。
百多呎地舖,業主瘋狂加租倍半至近3萬元,「租太貴,頂唔到,本來可以做多幾年,𠵱家冇辦法,逼住提早退休,好無奈。」他苦笑道:「當年沙士好難捱,啲人都唔敢入嚟,估唔到捱得過沙士,但捱唔過西港島綫通車。」
西 環人情味濃厚,錦興結業消息一出,街坊紛紛湧到店內道別,「一話唔做,大家都好唔捨得,個個唔係幫襯都入嚟問點解唔做?第時去邊度搵你?」訪問當日,不少 街坊更拿着手錶找老闆換電芯兼道別,「唉!第日啲錶都唔知攞去邊度整同換電喇!」錦興租約尚有半年才結束,賴耿明雖然不捨,但無奈說:「清晒啲貨就要執 笠。」

arrow
arrow
    全站熱搜

    Miss 發表在 痞客邦 留言(0) 人氣()